Mer muß net us däm Rheinland kumme, öm de Fastelovend ze lewe. Mer muß ävver en jewisse Zick he jelebt han, öm de Fastelovend ze verston. Et handelt sich schleeßlich öm dat einzije Brauchtum en Deutschland, dat jelef un jelieb, ävver staatlich net festjelejt is. Kene enzije Vierdach jönnt de Bundesrejierung denne em Rheinland un su blief et de Bedrieve üvverloße, op un wie se de Mitarbeiter dat Fiere ermöhliche.
De Behörden Spiegel als hematverbundene Bonner Bedrieb jeht de klassische Wäch: Ahn Wieverfastelovend krijje de Wiever am Standort Bonn de haleven Dach frei, domet se de Karnevalszick enliete künne. Schleeßlich es dat ussjelassene Fiere de Wiev an Donnersdach-Medach de Start en de Huhzick de Session, während met däm traditionelle Rathussturm am anschließende Sonndach de Jecken – en Bonn sin dat en diesem Johr ihre Lieblichkeit, Bonna Nadine die I., un Prinz Christoph de II. – offiziell de Rejierung üvvernemme. Am Rusemondach schleßlich präsentieren sich die Totalitäten em Zoch ihrem Volek. Och de Rusemondach han de Bonner Mitarbeiter van Behörden Spiegel frei, dismol all Jeschlechts.
Deef verwurzelt em Brauchtum ermmöhlich de Behörden Spiegel sinje Bonner-Mitarbeiter, aan Festivitäten vom Karneval teilzenemme. De janz Jecke unserer Belegschaft kumme trotzdem net janz ohne Urlaubsdach durch de Jecke Zick. Schleeßlich jehürt zum Brauchtum neve em maskiere, fiere, singe un schunkele dat en oder andere Bier. Un so kann keener erwarde, dat mer als Wiev am Dach noh Wieverfastelovend produktiv arbede kann.
Zom Jlöck hät de Behörden Spiegel neven däm Bonner Büro och noch en Berliner Redaktion, die de Leserinne un de Leser met Nachrichte versorjen kann, während em Rheinland dat Brauchtum jeflech wird. Fründe als och Skeptiker vom Karneval unger us Lesern un us Mitarbeiter sin somit janz noh ihre Vorlieben versorjt. En diessem Sinn: Dreimol Bonn Alaaf op de Behörden Spiegel!
